Kartheiser J: D'Zukunft läit am Avenir

D'Zukunft läit am Avenir ass eng Sammlung vu Geschichten, Glossen a Cabaret op Lëtzebuergesch an op Däitsch.Vru Joren huet eng vun eise bekannte Politikerinne gemengt: D'Zukunft läit am Avenir. Dat waren nach Zäiten! Haut läit s'um Mound.Net wéi wann dat eis Problemer op der Äerd léise géif. Natierlech hätte mer manner Konsum- an Eventstress, wa mer all dee geschäftsdichtegen Hype méi konsequent a Fro stelle géifen, wat mer awer net maachen. Schliisslech geet et hei ëm eise Lifestyle, zu deem och de Konsum vu Fake News gehéiert, mä do hu mer jo den Duerchbléck. Dofir gleewe mer och net méi un de Mann am Mound, mä un dLëtzebuerger um Mound.Och deen neie Client vun eise Branding-Experten aus Ech a mäi Selfie intresséiert sech fir de Weltall, méi genee, fir dee wierklechen Herrscher vum Universum, deen en neien Image brauch. Ob dat den Iwwerzeegunge vun de Publicitéitsspezialisten entsprécht, ass egal, well Business ass Business.Déi eenzel Fraen an de Kuerzgeschichte loosse sech allerdéngs net vun hiren Iwwerzeegungen ofbréngen a setze sech och emol mat deem leschte groussen Tabuthema vun eiser Gesellschaft auserneen. Donieft ginn et selbstverständlech och nach esou munnech aner Verrécktheeten an eiser moderner Welt, deene mer einfach net widderstoe kënnen oder wëllen, och wann dat alles net esou einfach ass. Mä dat packe mer, esou laang wéi mer glécklech Gromperen um Dësch hunn. Glécklech Gromperen?